බුදුරජාණන් වහන්සේ නැති කාලෙට බ්‍රාහ්මණයෝ බලවත් වෙන්න හේතුවක් තමයි ඔවුන්ගේ බ්‍රහ්මචාරියාව. වැඩ ඉන්න කාලේ ගැන කවර කතාවක් ද?
ළමා කාලයෙත් බ්‍රහ්මචාරීව ඉඳලා තමයි තරුණ අවදියේ දී කාමයන් පරිභෝජනය කිරීම සිදු කරන්නේ. ඉන් පසුව හිස කෙස් පැසෙන තලතුනා වයසේ දී බිරිඳ සමග හෝ වෙනම හෝ වනගත වෙනවා. එහිදී ද බ්‍රහ්මචාරීව මූලික කරගෙන හැසිරෙනවා.
බ්‍රාහ්මණයන්ගේ අවසාන සමය නම් සන්නාසියකු ලෙස තැනිත් තැනට යමින් ආගමික චාරිත්‍ර වල නිරත වන සමයයි. එතනදිත් බ්‍රහ්මචාරීවයි හැසිරීම සිදු වන්නේ.
මේ බ්‍රහ්මචාරී බව නිසා බමුණු සමාජය ඉතා බලවත්. අදටත් ලෝකයේ බලවත් සමාජ ක්‍රමයක් තියෙනවා නම් එතන බ්‍රහ්මචරියාව පවතිනවා.
නමුත් වර්තමාන බටහිර සංකල්ප නිසා බ්‍රහ්මචාරී බව කෙමෙන් සමාජයෙන් වියැකෙන තැනට ඇවිත්.
වික්ටර් රත්නායක වගේ, සමිතා වගේ අසහනකාරී චරිත නිසා රාගය බලවත්ව සමාජගත උනා. ඒව අනුමත කරන අයට ඒකෙන් සිදුවන හානිය දැනෙන්නේ තමන්ගේ දරු මල්ලන් හරහා. එතකොට කාලය ගිහින් ඉවරයි.
රාගය කියන්නෙ නින්දිත ක්ලේෂයක්. ඒකෙන් ඇති පලක් නැහැ.
කවුරු හරි කියනවා නම් රාගය තිබිය යුතුයි, ඒක සුන්දරයි වගේ කතාවක්, ඒ පුද්ගලයා හිතලා තියෙන්නේ දියුණු මනසකින් නොවෙයි. ලිංගික අවයවකින්.
ඇයි මේ රාගය මේ තරම් ජනප්‍රිය කරවන්නේ, ප්‍රචාරය කරවන්නේ කියන කාරණාව ගැන විමසුවොත් දෙපැත්තක් දකින්න පුළුවන්. එකක් මේ ලෝක පැවැත්ම. අනෙක් පරලෝක පැවැත්ම.
අද සමාජයේ වසක පිරිමි අය තරුණියන්ට පෙම් කිරීම, අනියම් සම්බන්ධතා පැවැත්වීම වගේ දේවල් සාධාරණීකරණය කෙරෙමින් පවතිනවා. තමාගේ වයසට ගියට පියා අනියම් සම්බන්ධතාවයක පැටලීම ඔහුගේ ලිංගික ශක්තිය හුවා දක්වන්නක් ලෙස දරුවන් විසින්ම පෙන්වන තැනට සමාජය ඇවිත්.
එහෙම සිදු වීමකින් පෙන්නුම් කරන්නේ ඒ මනුස්සයාගේ හැකියාවක් නොවෙයි. ලාමක බවක්. කෙලෙස් පාලනයට ශක්තියක් නැති නිකමෙකුගේ ලක්ෂණයක්.
අනියම් සම්බන්ධතාවයකින් සමාජයට සිදුවන යහපතක් නැහැ. සිදු වන්නේ අයහපතක් පමණයි. වයසට ගිහින් වත් රාගය පාලනය කරගන්න බැරි ගැහැණු පිරිමි නිසා සමාජය පරිහානියට යනවා විතරයි.
සරලවම තිරිසන් සතුන්ටත් වඩා පහල මට්ටමට වැටෙනවා විතරයි. අන්තිමට බල්ලො බළල්ලු වගේ පාර දිගේත් රමණයේ යෙදෙන සමාජයක් බිහි වීමේ මූලික ලක්ෂණය තමයි රාගය පාලනය නොකරගනීමේ නාකි මිනිස්සුන්ගෙන් පෙන්නුම් කරන්නේ.
ඒක මේ ලෝක වශයෙන් පවතින හානියක්.
පරලෝක වශයෙන් බැලුවොත් රාගය පාලනය නොකරන ඕනෑම වයසක සිටින අයකු මරණින් මතු දුගතියට යන ප්‍රතිශතය ඉතා වැඩියි. නිරතුරු රාග සිතින් කටයුතු කරන පුද්ගලයා මැරෙන්නෙත් රාග සිත් සමග. ඒ වගේ පුද්ගලයෝ මරණින් මතු පෙරේත ආදී ලෝක වල තමයි උපත ලබන්නේ.
ඒක පරලෝක වශයෙන් තියෙන හානිය.
මේ විදිහට රාගය පාලනය නොකිරීම මේ ලෝක පරලෝක දෙපැත්තෙන්ම අයහපත පිනිසමයි පවතින්නේ.
ඉතින් කවුරු හරි කියනවා නම් වයසට ගිහින් අනියම් සම්බන්ධතා ආදිය පටන් ගැනීම ආදිය ඒ පුද්ගලයාගේ ශක්තිය පෙන්වීමක් කියලා, ඒ කතාව කියපු පුද්ගලයා අමුම අමු මෝඩයෙක් විතරයි.
No comments:
Post a Comment