සම්බුද්ධ ශාසනයෙහි චිරස්ථිතිය පිණිස කටයුතු කරන
සංවිධානයක් ලෙසට “ථේරවාදී ආර්ය එකමුතුව” වන අපි, කුමක් නිසා සම්බුදු සසුන
පරිහානියට පත්වන්නේ දැයි පළමුවම විමසා බැලීමු. එහිදී අපි ප්‍රධාන කාරණා දෙකක්
හඳුනා ගතිමු. ඒවා නම්
අභ්‍යන්තර අර්බුද.
භාහිර තර්ජන.
අභ්‍යන්තර අර්බුද.
භාහිර තර්ජන.
යන ඒවා වේ.
අභ්‍යන්තර අර්බුද.
සම්බුද්ධ ශාසන අභ්‍යන්තරය ගත්කල එය උපතේ පටන්
නිර්මලය. එනමුත් යම් යම් ශාසන විරෝධී ක්‍රියා මතුවීම තුලින් ඒ නිර්මල බව කෙලෙසීම
සිදුවේ. වර්තමානයේ සිදුවන ඇතැම් ක්‍රියා එබඳු ශාසන විරෝධී අධාර්මික අවිනය ක්‍රියා
වේ. එබඳු ක්‍රියා නිසා සම්බුද්ධ ශාසනය අභ්‍යන්තරයෙන්ම පිරිහීමට ලක්වී පවතී. එබඳු
ක්‍රියාවන්ට උදාහරණ බුද්ධ දේශනාවෙන්ම ගෙනහැර දැක්විය හැකිය. මේ එයට උදාහරණයි.
“කො නු ඛො, භන්‌තෙ, හෙතු කො පච්‌චයො, යෙන පුබ්‌බෙ අප්‌පතරානි චෙව සික්‌ඛාපදානි අහෙසුං බහුතරා ච භික්‌ඛූ අඤ්‌ඤාය සණ්‌ඨහිංසු? කො පන, භන්‌තෙ, හෙතු කො පච්‌චයො, යෙනෙතරහි බහුතරානි චෙව සික්‌ඛාපදානි අප්‌පතරා ච භික්‌ඛූ අඤ්‌ඤාය සණ්‌ඨහන්‌තී”
ස්වාමිනි යම් හෙයකින් පෙර ශික්ෂාපද අලප වුයේද බොහෝ භික්ෂුන් රහත්බවෙහි පිහිටීමට හේතු කවරක්ද? ප්‍රත්‍ය කවරක්ද? ස්වාමිනි මෙකල ශික්ෂාපද බොහෝ වුයේද ස්වල්පයක් භික්ෂුන් රහත්බවෙහි පිහිටීමට හේතු කවරක්ද? ප්‍රත්‍ය කවරක්ද?
“එවඤ්‌චෙතං, කස්සප, හොති සත්‌තෙසු හායමානෙසු සද්‌ධම්‌මෙ අන්‌තරධායමානෙ, බහුතරානි චෙව සික්‌ඛාපදානි හොන්‌ති අප්‌පතරා ච භික්‌ඛූ අඤ්‌ඤාය සණ්‌ඨහන්‌ති. න තාව, කස්සප, සද්ධම්මස්ස අන්තරධානං හොති යාව න සද්‌ධම්‌මප්‌පතිරූපකං ලොකෙ උප්‌පජ්‌ජති. යතො ච ඛො, කස්සප, සද්‌ධම්‌මප්‌පතිරූපකං ලොකෙ උප්‌පජ්‌ජති, අථ සද්ධම්මස්ස අන්තරධානං හොති’’.
කාශ්‍යපය, එය එසේම වෙයි. සත්වයින් පිරිහෙන කල්හි සද්ධර්මය අන්තර්ධාන වන කල්හි බොහෝ ශික්ශාපද ද වෙයි. ස්වල්පයක් භික්ෂුන් රහත්බවෙහි පිහිටයි. කාශ්‍යපය, යම්තාක් කල් සද්ධර්ම ප්‍රතිරූපකයෝ ලෝකයෙහි නූපදිත්ද ඒතාක් කල් සද්ධර්මය අන්තර්ධාන නොවෙයි. කාශ්‍යපය යම් කලෙක සද්ධර්ම ප්‍රතිරූපකයෝ ලෝකයෙහි උපදිත් ද එකල්හි සද්ධර්මයෙහි අන්තර්ධානය සිදුවෙයි.
“න ඛො, කස්සප, පථවීධාතු සද්‌ධම්‌මං අන්‌තරධාපෙති, න ආපොධාතු සද්‌ධම්‌මං අන්‌තරධාපෙති, න තෙජොධාතු සද්‌ධම්‌මං අන්‌තරධාපෙති, න වායොධාතු සද්‌ධම්‌මං අන්‌තරධාපෙති; අථ ඛො ඉධෙව තෙ උප්‌පජ්‌ජන්‌ති මොඝපුරිසා යෙ ඉමං සද්‌ධම්‌මං අන්‌තරධාපෙන්‌ති.”
කාශ්‍යපය පඨවි ධාතුව සද්ධර්මය අන්තර්ධාන නොකරෙයි. ආපෝ ධාතුව සද්ධර්මය අන්තර්ධාන නොකරෙයි. තේජෝ ධාතුව සද්ධර්මය අන්තර්ධාන නොකරෙයි. වායෝ ධාතුව සද්ධර්මය අන්තර්ධාන නොකරෙයි. යමෙක් මේ සද්ධර්මය අන්තර්ධාන කරයිද ඒ හිස් පුරුෂයෝ මේ ශාසනයෙහිම උපදියි.
“සේය්යතාපි කස්සප නාවා ආදිකේනේව ඕපිලවති න ඛෝ කස්සප එවං සද්ධම්මස්ස අන්තරධානං හෝති.”
කාශ්‍යපය, යම් සේ නැව අධිකව බඩු පිරවීමෙන් ගිලේද, කාශ්‍යපය, එසේ (පරියාප්ති ආදිය) පිරීමෙන් සද්ධර්මය අතුරුදන් නොවේ.
“පඤ්‌ච ඛො මෙ, කස්සප, ඔක්‌කමනියා ධම්‌මා සද්ධම්මස්ස සම්‌මොසාය අන්‌තරධානාය සංවත්‌තන්‌ති. කතමෙ පඤ්‌ච? ඉධ, කස්සප, භික්‌ඛූ භික්‌ඛුනියො උපාසකා උපාසිකායො සත්‌ථරි අගාරවා විහරන්‌ති අප්‌පතිස්‌සා, ධම්‌මෙ අගාරවා විහරන්‌ති අප්‌පතිස්‌සා, සඞ්‌ඝෙ අගාරවා විහරන්‌ති අප්‌පතිස්‌සා, සික්‌ඛාය අගාරවා විහරන්‌ති අප්‌පතිස්‌සා, සමාධිස්‌මිං අගාරවා විහරන්‌ති අප්‌පතිස්‌සා – ඉමෙ ඛො, කස්සප, පඤ්‌ච ඔක්‌කමනියා ධම්‌මා සද්ධම්මස්ස සම්‌මොසාය අන්‌තරධානාය සංවත්‌තන්‌ති.”
කාශ්‍යපය, විනාශයට හේතුවන ධර්මයෝ පසක් සද්ධර්මයෙහි මුලාවිම පිණිස, අන්තර්ධානය පිණිස පවතී. කවර පසක් ද? කාශ්‍යපය මෙසස්නෙහි භික්ෂු භික්ෂුණි උපාසක උපාසිකාවෝ ශාස්තෘන් වහන්සේ කෙරෙහි ගෞරව රහිතව යටහත් පැවතුම් රහිතව වාසය කරයි. ධර්මය කෙරෙහි ගෞරව රහිතව යටහත් පැවතුම් රහිතව වාසය කරයි. සංඝයා කෙරෙහි ගෞරව රහිතව යටහත් පැවතුම් රහිතව වාසය කරයි. ශික්ෂාව කෙරෙහි ගෞරව රහිතව යටහත් පැවතුම් රහිතව වාසය කරයි. සමාධිය කෙරෙහි ගෞරව රහිතව යටහත් පැවතුම් රහිතව වාසය කරයි. කාශ්‍යපය මේ විනාශයට හේතුවන ධර්මයෝ පස සද්ධර්මයෙහි මුලාවිම පිණිස, අන්තර්ධානය පිණිස පවතී.
“පඤ්‌ච ඛො මෙ, කස්සප, ධම්‌මා සද්ධම්මස්ස ඨිතියා අසම්‌මොසාය අනන්‌තරධානාය සංවත්‌තන්‌ති. කතමෙ පඤ්‌ච? ඉධ, කස්සප, භික්‌ඛූ භික්‌ඛුනියො උපාසකා උපාසිකායො සත්‌ථරි සගාරවා විහරන්‌ති සප්‌පතිස්‌සා, ධම්‌මෙ සගාරවා විහරන්‌ති සප්‌පතිස්‌සා, සඞ්‌ඝෙ සගාරවා විහරන්‌ති සප්‌පතිස්‌සා, සික්‌ඛාය සගාරවා විහරන්‌ති සප්‌පතිස්‌සා, සමාධිස්‌මිං සගාරවා විහරන්‌ති සප්‌පතිස්‌සා – ඉමෙ ඛො, කස්සප, පඤ්‌ච ධම්‌මා සද්ධම්මස්ස ඨිතියා අසම්‌මොසාය අනන්‌තරධානාය සංවත්‌තන්‌තී.”
කාශ්‍යපය, පවැත්මට හේතුවන ධර්මයෝ පසක් සද්ධර්මයෙහි මුලා නොවීම පිණිස, අන්තර්ධානය නොවීම පිණිස පවතී. කවර පසක් ද? කාශ්‍යපය මෙසස්නෙහි භික්ෂු භික්ෂුණි උපාසක උපාසිකාවෝ ශාස්තෘන් වහන්සේ කෙරෙහි ගෞරව සහිතව යටහත් පැවතුම් සහිතව වාසය කරයි. ධර්මය කෙරෙහි ගෞරව සහිතව යටහත් පැවතුම් සහිතව වාසය කරයි. සංඝයා කෙරෙහි ගෞරව සහිතව යටහත් පැවතුම් සහිතව වාසය කරයි. ශික්ෂාව කෙරෙහි ගෞරව සහිතව යටහත් පැවතුම් සහිතව වාසය කරයි. සමාධිය කෙරෙහි ගෞරව සහිතව යටහත් පැවතුම් සහිතව වාසය කරයි. කාශ්‍යපය මේ පැවැත්මට හේතුවන ධර්මයෝ පස සද්ධර්මයෙහි මුලානොවිම පිණිස, අන්තර්ධානය නොවීම පිණිස පවතී.
ඒ අනුව අපට වටහාගත හැක්කේ වත්මන සිදුවන යම් යම්
ශාසන විරෝධී, ධර්ම විනය විරෝධී ක්‍රියා හේතුවෙන් අභ්‍යන්තර වශයෙන් ශාසනය පරිහානියට
පත්වන බවයි. එබැවින් ශාසනය සුරැකීමට පළමුවෙන්ම අභ්‍යන්තරය නිවැරැදි කරගත යුතුය. ඒ
සඳහා සංවිධානයක් ලෙස අප සම්බන්ධ කරගෙන සිටින්නේ සිල්වත් භික්ෂුන් වහන්සේලා හා
සිල්වත් ගිහි පිරිසකි. ඒ හේතුවෙන්ම බොහෝ පිරිසක් නොමැති සංවිධානයකි. එනමුත්
ශක්තිමත් දිගු ගමනක් යා හැකි නිවැරදි දැක්මක් සහිත සංවිධානයකි.
ඒ අපි සීලයට මුල්තැන දෙමින් ධර්ම විනය අනුකූලව
පිළිපදිමින් සුදුසු අය එයට සම්බන්ධ කරගනිමින් සෙමෙන් ගමනක් යන්නෙමු.
එයින් අනතුරුව අපට හමුවන්නේ භාහිර අර්බුදයි.
භාහිර අර්බුද දෙස බැලූ කල එය විවිධාකාර වේ.
ඉස්ලාම් අන්තවාදය, ක්‍රිස්තියානි මූලධර්මවාදය, ඉන් ප්‍රධාන වේ. එයින්ද ඉස්ලාම්කරණය
ඉතාමත් බැරෑරුම් ගැටලුව වේ. ඊට අමතරව බටහිර ගැති මානසිකත්වය නිසා සිදුවන
දේශපාලනික, ආර්ථික, සාමජිය, සංස්කෘතික බලපෑම් ද පෙනෙන්නට තිබේ. කෙසේ නමුත් මේ
සියල්ල අධර්මය ලෙස එක පිඩකට ගත හැකිය. ඒ අධර්මය නමැති කුලකයේ උපකුලකයන් ලෙස ඉහත
දැක්වූ ඉස්ලාම්කරණය, ක්‍රිස්තියානිකරණය ප්‍රධාන අනෙකුත් ගැටළු දක්වියහැකිය. ඒ
භාහිර ගැටළු විසඳීමේදී මුලින්ම සදහන් කල අභ්‍යන්තර ගැටළු නිරාකරණය අත්‍යාවශය වේ. ඒ
අභ්‍යන්තර නිරවුල් භාවයෙහි පිහිටා සිට භාහිර ගැටලුව විසඳිය යුතුය. නොමැතිනම් එය
“වීදුරු ගෙවල් වල සිට ගල් ගැසීමක්” මෙන්ම “ගඟට ඉනි කැපීමක්” ද වේ.
එසේ නිවැරදි ප්‍රතිපදාවෙහි සිටිමින් පළමුකොටම
ඉස්ලාමය හා ක්‍රිස්තියානිය මතවාදීව බිඳ හෙළිය යුතුය. එනම් ඉස්ලාම දහම හා කිතු දහම
යනු මිනිසාට “සැබෑ සැනසීමක් ” ලබාදෙන දහමක් නොවන බව එම දහම් තුලින්ම ප්‍රත්‍යක්ෂ
කල යුතුය. එවිට ඔවුන්ගේ මතවාදී චින්තනය මැඩපැවැත්විය හැකිය. ඉන් අනතුරුව ඒවා පාලනය
කිරීම පිණිස නෛතික ක්‍රියාමාර්ග කෙරෙහි යොමු විය යුතුය. ඒ සඳහා සුදුසු ධාර්මික
දේශපාලනයක් අප විසින්ම ගොඩනගා ගත යුතුය. කෙසේනමුත් මේ සියල්ල බුදුදහමට අනුකූල විය
යුතුය.
“ථේරවාදී ආර්ය එකමුතුව” නම් වූ අපි කටයුතු කරන්නේ
ඉහත න්‍යාය අනුකූලව බුද්ධ ධර්මය මුල් කරගනිමිනි. එබැවින් අප සංවිධානයට කිසිදු
ආකාරයක අධර්මකාමි සාමාජිකයන් සම්බන්ධ කරගනු නොලැබේ. එසේම මෙය බුද්ධිමය සංවාද,
පාණ්ඩිත්‍ය සංවාද තුලින් ගොඩනැගෙන බැවින් උද්ඝෝෂණ ව්‍යාපාර, විරෝධතා ආදිය නොමැති
සංවිධානයකි. හුදෙක් ධර්මකාමී සත්පුරුෂ එකමුතුවකි.
ඔබ සැමට සම්මා සම්බුදු සරණයි...!!!!
No comments:
Post a Comment